Af þeim sjö sem smitast hafa af COVID-19 á Austurlandi eru tveir nú komnir úr einangrun. Engin ný smit hafa komið upp undanfarna sjö sólarhringa. Í sóttkví er 31 og fækkar því um sjö frá í gær.

Þetta kemur fram í tilkynningu frá aðgerðastjórn almannavarna í fjórðungnum. Enn sé beðið niðurstöðu úr þeim fimmtán hundruð sýnum sem tekin voru á Austurlandi um helgina og á mánudag. Þær verði kynntar um leið og þær berast.

Aðgerðastjórnin vekur athygli á að þótt tölur séu jákvæðar og þróunin í rétta átt er mikilvægt að halda vöku sinni og fylgja leiðbeiningum í hvívetna.

„Ekki síst nú um páskana. Í því felst meðal annars að halda sig heima og virða tveggja metra regluna og samkomubann. Förum varlega, gætum að okkur og komumst í gegnum þetta saman.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt