Starfsmaður á hjúkrunarheimilinu Sóltúni hefur greinst með kórónuveirusmit í slembiúrtaki. Starfsmenn smitrakningardeildar almannavarna létu vita af þessu í dag. Þetta kemur fram á vef Sóltúns og tekið fram að unnið sé að smitrakningu.
Þá segir að tvö sambýli á þriðju hæð D og E hafi verið sett í sóttkví næstu tvær vikur í forvarnarskyni og aðstandendum íbúa þar hafi verið gert viðvart.
Ennfremur segir að alls hafi þrír starfsmenn Sóltúns greinst með smit frá upphafi faraldurs, en enginn íbúi.