Ríkisstjórnin samþykkti á fundi sínum í gær að leggja 13 milljónir króna af ráðstöfunarfé sínu til fjármögnunar nýsköpunarstyrkja og stöðu verkefnastjóra í nýsköpunar- og þróunarverkefnum á Vestfjörðum. Þá verður 26 milljónum varið í verkefnið á næsta ári.

Aðgerðarhópur sem skipaður var í kjölfar snjóflóðanna á Flateyri í janúar skilaði í síðasta mánuði tillögum sínum, sem eru 15 talsins og oru nýsköpunar- og þróunarverkefni fyrir Flateyri þar á meðal.

Frétt af mbl.is

Langmikilvægast að endurmeta snjóflóðavarnir

Meðal annarra tillagna má nefna endurmat snjóflóðavarna, aðgerðir í vinnumarkaðsmálum, raforkuöryggi, almenningssamgöngur og eflingu Lýðskólans á Flateyri, en í febrúar var undirritaður samningur um 70 milljóna króna framlag ríkisins til skólans fyrir næsta ár.

Ríkisstjórnin hefur falið forsætisráðuneyti, fjármálaráðuneyti og samgöngu- og sveitarstjórnarráðuneyti að annast framkvæmd og eftirfylgni aðgerða. Aðgerðarhópur var skipaður til að annast framkvæmd.

Í tilkynningunni segir að forgangsverkefni sé að endurmeta snjóflóðavarnir fyrir ofan byggðina á Flateyri og gera framkvæmdaáætlun þaraðlútandi.

Tengdar fréttir

Snjóflóð á Flateyri og Súgandafirði

„Flateyringar eru alveg sultuslakir“

• Enn unnið að hönnun þó þrjú ár séu frá snjóflóði
• Reynt að auka virkni varnargarða
• „Mér finnst ég enn þá örugg hérna“
• 265 þúsund tonna snjóflóð

» Fleiri tengdar fréttir

• Blogga um frétt