Tæplega 900 flugfreyjum verður sagt upp hjá Icelandair núna um mánaðamótin. Þetta var tilkynnt á rafrænum starfsmannafundi fyrr í dag.

Frétt af mbl.is

Rúmlega 2.000 sagt upp hjá Icelandair

Að sögn Guðlaugar Líneyjar Jóhannsdóttur, formanns Flugfreyjufélags Íslands, er nákvæm tala þeirra sem missa vinnuna 897. „Þetta er gríðarlegt áfall fyrir stéttina. Við áttum von á uppsögnum en ég held að fæstir ættu von á þessum fjölda. Eftir standa 35 stöðugildi,“ segir hún en alls verður rúmlega tvö þúsund starfsmönnum Icelandair sagt upp.

Flugvélar Icelandair. mbl.is/Eggert Jóhannesson

Missa vinnuna eftir 30 ára starf

Spurð út í næstu skref segir hún að félagið muni reyna að styðja við félagsmenn sína. Það sé erfitt á tímum samkomubanns. Undir venjulegum kringumstæðum yrði blásið til félagsfundar. „Við reynum að svara spurningum. Það eru margar spurningar sem brenna á fólki.“

Í kjarasamningi eru ákvæði um að fara skuli eftir starfsaldri í hópuppsögnum. Þeir sem eru með hæstan starfsaldur eru inni. Mest hafa félagsmenn spurt út í endurkomur í starfið en þar verður farið eftir starfsaldri og frammistöðu.

Guðlaug Líney kveðst vonast eftir því að Icelandair muni þurfa á þessum mannskap að halda aftur sem missir vinnuna núna. Mögulega verði hægt að draga úr uppsögnum og ráða fólk aftur. „En fólk er í sjokki í dag. Það er bara svoleiðis," segir hún og nefnir að fólk með yfir 30 ára starfsaldur sé að missa vinnuna. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt