Ekki er útlit fyrir að hrefnuveiðar verði stundaðar við landið í sumar frekar en á síðasta ári.

Gunnar Bergmann Jónsson, framkvæmdastjóri IP-dreifingar, segir að helstu miðum í Faxaflóa hafi verið lokað með reglugerð sjávarútvegsráðherra og fleira hafi verið gert til að gera hrefnuveiðimönnum erfitt fyrir. Verður þetta því annað árið í röð sem engar hvalveiðar verða við landið.

Báturinn Hrafnreyður KÓ, núna Halla ÍS, stundaði hrefnuveiðar framan af sumri 2018 á vegum IP-dreifingar og veiddust þá sex dýr. Síðan hafa hrefnuveiðar ekki verið stundaðar og engin starfsemi er lengur á vegum fyrirtækisins í Hafnarfirði þar sem hrefnan var unnin. ,,Ég sé það ekki gerast að við förum aftur á hrefnuveiðar, ætli þessum kafla sé ekki lokið,“ segir Gunnar í Morgunblaðinu í dag.

Tengdar fréttir

Hvalveiðar

Veiting hvalveiðileyfis ekki brot á EES-samningi

• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun
• „Tíminn er runninn út fyrir Kristján Loftsson“

» Fleiri tengdar fréttir