Ótímabundið verkfall 260-270 félagsmanna Eflingar, sem vinna hjá Kópavogsbæ, Seltjarnarnesbæ, Mosfellsbæ og Sveitarfélaginu Ölfusi, hefst kl. 12.00 í dag.
Samningafundi Eflingar og samninganefndar Sambands íslenskra sveitarfélaga, sem haldinn var hjá ríkissáttasemjara síðdegis í gær, lauk án árangurs.
Verkfallið nær m.a. til ræstingafólks í fjórum af 21 leikskóla í Kópavogi og fjórum af níu grunnskólum bæjarins. Vegna hertra krafna um þrif í kórónuveirufaraldrinum er ljóst að þessum átta skólahúsum verður lokað strax á morgun, verði ekki samið, að því er fram kemur í Morgunblaðinu í dag.