Þór Steinarsson
Óformlegum vinnufundum samninganefnda Flugfreyjufélags Íslands og Icelandair er lokið í bili og allir farnir heim úr húsakynnum ríkissáttasemjara. Fundirnir hófust klukkan ellefu í gærmorgun, á sunnudag.
Formlegur sáttafundur í kjaradeilunni hefur ekki verið boðaður en staðan verður tekin í fyrramálið og framhaldið ákveðið þá. Þetta segir Aðalsteinn Leifsson ríkissáttasemjari í samtali við mbl.is.
Síðasti formlegi sáttafundur fór fram miðvikudaginn 13. maí, í síðustu viku.