Boðað til fundar í kjaradeilu FFÍ og Icelandair
Setja bókamerki
Búið er að boða til formlegs sáttafundar í kjaradeilu Flugfreyjufélags Íslands og Icelandair klukkan tvö í dag. Þetta segir Aðalsteinn Leifsson ríkissáttasemjari í samtali við mbl.is.
Fundurinn fer fram í húsakynnum ríkissáttasemjara sem í daglegu tali er kallað Karphúsið en Aðalsteinn telur að tími sé kominn á nýtt nafn og leggur til að það verði hér eftir kallað Gleðigarðurinn.
Óformlegir vinnufundir virðast hafa skilað árangri
Síðasti formlegi fundurinn í kjaradeilunni fór fram miðvikudaginn 13. maí en honum lauk án árangurs en óformlegir fundir áttu sér stað í gær í smærri hópum. Fundirnir voru hugsaðir sem vettvangur fyrir minni vinnuhópa til að koma saman og finna sameiginlega fleti. Sú aðferð virðist hafa skilað tilætluðum árangri.
Kvartað yfir Boga
Í kjölfarið af fundinum 13. maí sendi Icelandair frá sér tilkynningu þar sem kom fram að þau tilboð sem lögð höfðu verið fram að hálfu félagsins hefðu verið til þess fallin að auka samkeppnishæfni Icelandair og verja ráðstöfunartekjur starfsmanna á sama tíma.
Flugfreyjur lögðu fram sitt eigið tilboð en fengu þau svör að samninganefnd Icelandair sæi sér ekki fært að ræða við samninganefnd FFÍ á þeim grundvelli sem tilboðið var lagt fram á.
Síðar sama dag fór Bogi Nils Bogason, forstjóri Icelandair Group, fram hjá samninganefnd Flugfreyjufélagsins og sendi félagsmönnum þess tölvupóst sem innihélt tilboð Icelandair ásamt skýringum og kynningarbæklingi og hvatti þær til að kynna sér gögnin vel.
Ný staða uppi og óvissan meiri
Að minnsta kosti vika í nýtt gos
Spursmál: Fyrsta stóra viðtal Katrínar
Hafa „ágætis tíma“ til úrbóta
Aðkoman í gripahúsið mjög slæm
Stundum er erfitt að fara að sofa
Gefur ekkert upp um leyfi til hvalveiða