Hífðu slasaða konu um borð í þyrluna

Áhöfnin á TF-GRO, þyrlu Landhelgisgæslunnar, hífði slasaða konu um borð rétt fyrir neðan Hvannadalshnjúk á áttunda tímanum í kvöld. Henni var svo komið undir læknishendur í Reykjavík.

Frétt af mbl.is

Sækja slasaða konu á Hvannadalshnjúk

Björgunarsveitir voru kallaðar út á sjötta tímanum í dag en konan, sem var á skíðum á jöklinum, hafði slasast. Tveir björgunarsveitarhópar frá Höfn í Hornafirði sinntu útkallinu en konan var að lokum hífð um borð í þyrluna. 

Skyggni við jökulinn var gott og björgunaraðgerðir gengu vel. Ljósmynd/Landhelgisgæslan

TF-GRO lenti á Reykjavíkurflugvelli laust fyrir klukkan níu þar sem sjúkrabíll beið og flutti konuna á Landspítalann til aðhlynningar.

• Blogga um frétt