Leit hafin að nýju

Leit að skipverja sem er talinn hafa fallið fyrir borð af fiskiskipi á leið þess til hafnar í Vopnafirði um klukkan tvö í gær er hafin að nýju og tekur björgunarsveitarfólk fyrir austan þátt í leitinni. Samkvæmt upplýsingum frá Landhelgisgæslunni tók áhöfn þyrlu Landhelgisgæslunnar þátt í leitinni í gær en kom til baka til Reykjavíkur í gærkvöldi. Tekin verður ákvörðun um það síðar í dag hvort þyrlan verður send austur að nýju.

Frétt af mbl.is

Kafarar til taks í leitinni

Jón Sigurðsson, formaður björgunarsveitarinnar Vopna, sagði í samtali við Morgunblaðið í gærkvöldi að aðstæður til leitar hafi verið góðar í gær. „Aðstæður hafa verið ótrúlega góðar. Frekar gott í sjóinn. Leitarskilyrði voru góð en leit bar því miður engan árangur,“ segir Jón.

Veðurspá fyrir Austurland er góð í dag, bjart og heiðskírt.

• Blogga um frétt