Aflétta öllum höftum í fangelsum landsins

Fangelsið á Hólmsheiði.
Fangelsið á Hólmsheiði. mbl.is/Árni Sæberg

Fangelsismálastofnun hefur ákveðið að aflétta öllum höftum vegna kórónuveirunnar er gilt hafa í fangelsum landsins frá því er neyðarstigi var lýst yfir. Tekur þetta gildi 25. maí nk.

Stofnunin segir í tilkynningu, að áfram gildi þó áherslur sóttvarnaryfirvalda um handþvott, sprittun og almennt að virða tveggja metra regluna eftir því sem því verður við komið.

Þá er einnig í gildi reglan um að þeir sem eru í sóttkví eigi ekki að koma í fangelsi eða þeir sem eru smitaðir.

„Engir skjólstæðingar Fangelsismálastofnunar eða starfsmenn hafa smitast af veirunni og er full ástæða til að þakka starfsmönnum, samstarfsaðilum og föngum fyrir góða framgöngu við erfiðar aðstæður,“ segir í tilkynningunni. 

mbl.is