Leit að skipverja sem talið er að hafi fallið fyrir borð af fiskiskipinu Erling KE-140 í Vopnafirði á mánudag hefur verið hætt í dag. Veður fer versnandi í Vopnafirði og talsverður sjógangur er vegna vinds.
Fimm leitarhópar hafa verið að störfum í dag ýmist á sjó eða á landi. Gengnar hafa verið fjörur frá Tangasporði að Sandvík auk þess sem leitað hefur verið í sandfjörum í Sandvík.
Leit morgundagsins mun verða skipulögð í fyrramálið.