Íslendingur hlýtur 75 milljónir króna

Eurojackpot.
Eurojackpot.

Fyrsti vinningur gekk ekki út í útdrætti Eurojackpot að þessu sinni en fjórir heppnir miðahafar skiptu með sér 2. vinningi. Íslendingur var einn þeirra, en miðann keypti hann í Vídeómarkaðnum í Hamraborg í Kópavogi.

Vinningshafarnir fjórir fá rúmar 75 milljónir krónur hver. Hinir þrír miðarnir voru keyptir í Þýskalandi, Svíþjóð og Ungverjalandi.

Sex skiptu með sér 3. vinningi og hlýtur hver þeirra tæpar 18 milljónir króna í sinn hlut. Miðarnir vou keyptir í Danmörku, á Spáni og fjórir í Þýskalandi. Einn var með fjórar réttar tölur í réttri röð í Jóker og hlýtur hann 100 þúsund krónur í vinning. Miðinn var keyptur í Olís á Dalvík.

mbl.is