Hitinn í Reykjavík náði 16 gráðum í dag og í gær náði hann 16,7 gráðum. Þetta eru hlýjustu dagarnir í höfuðborginni í vor og, miðað við spá næstu daga, mjög líklega það sem eftir er maímánaðar.
Þetta kemur fram á veðurvefnum Blika.is.
Margir nýttu enda tækifærið í dag og spókuðu sig um miðbæ Reykjavíkur. Ljósmyndari mbl.is tók meðfylgjandi myndir á Klambratúni síðdegis í dag.