Húsbílaeigendur taka útilegusumarið á Íslandi snemma

Húsbílaeigendur taka sumarið snemma til að geta nýtt góðviðrisdagana. Nokkrir bílar voru á tjaldsvæðinu á Þingvöllum í gær. Ekki þurftu þeir að elta sólina því hún skein um allt land.

Búist er við að Íslendingar ferðist innanlands í sumar og hafa ferðaþjónustufyrirtæki verið að búa sig undir það.

Ríkisstjórnin stuðlar að því með svokallaðri ferðagjöf, 5.000 króna ávísun sem nota má til að greiða fyrir veitingar, gistingu, bílaleigubíla, ferðir og afþreyingu. Stefnt er að því að ferðagjöfin verði afhent í byrjun næsta mánaðar, að því er fram kemur í umfjöllun um mál þetta í Morgunblaðinu í dag.