Aðstoðaryfirlögregluþjónn hjá umferðardeild lögreglunnar á höfuðborgarsvæðinu segir umferðina hafa verið mjög þunga síðdegis í dag, eins og vegfarendur hafa líklega tekið eftir.

Guðbrandur Sigurðsson segir í samtali við mbl.is að umferðin hafi verið að aukast jafnt og þétt undanfarnar vikur samhliða afléttingu samkomutakmarkana, en í dag var samkomubanni létt úr 50 í 200 manns og geta því margir vinnustaðir farið að starfa eðlilega að nýju.

„Það er komin sama umferð og var fyrir þær,“ segir Guðbrandur, og á við samkomutakmarkanirnar. „Það var mikil umferð og maður gat ekki séð eitt eða neitt sem var að tefja, nema bara vegakerfið sem bar ekki umferðina.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt