Ekkert nýtt Covid-19-smit greindist í gær hér á landi. Virk smit eru tvö og eru viðkomandi í einangrun, en enginn á sjúkrahúsi. Þá eru 766 einstaklingar í sóttkví.
Þetta kemur fram í nýjum tölum á covid.is.
231 sýni var tekið í gær, 35 á sýkla- og veirufræðideild Landspítalans og 196 hjá Íslenskri erfðagreiningu.
Samtals hafa 1.804 smit greinst hér á landi, en 59.087 sýni hafa verið tekin og 20.389 hafa lokið sóttkví.