Smíði söluhúsa hefur seinkað

Ægisgarður. Nýju söluhúsin eru óðum að taka á sig mynd. …
Ægisgarður. Nýju söluhúsin eru óðum að taka á sig mynd. Þau munu setja svip sinn á umhverfið. mbl.is/sisi

Bygging nýju söluhúsanna á Ægisgarði við Gömlu höfnina í Reykjavík hefur tafist nokkuð. Mikil ótíð var í vetur og tafði jarðvinnu. Síðan tók við kórónuveirufaraldurinn, sem tafði smíðavinnu.

Smíðinni átti að ljúka í lok apríl en nú er lokadagur framkvæmda við húsin miðaður við 30. júní, samkvæmt upplýsingum Gísla Gíslasonar, hafnarstjóra Faxaflóahafna.

Tafir við smíðina hafa ekki komið að sök því hvalaskoðunarbátarnir hafa ekki siglt síðan í byrjun mars. Alls er óvíst hvenær þeir hefja siglingar að nýju og fyrstu farmiðarnir verða seldir í söluhúsunum. Ef allt hefði verið eðlilegt væru farnar margar ferðir á dag með erlenda ferðamenn að skoða hvali í Faxaflóa og fuglalíf á eyjum í Kollafirði.

Faxaflóahafnir ákváðu í fyrra að ganga til samninga við eftirtalin fyrirtæki um leigu á húsunum: Special Tours, Eldingu, Sea Safari, Seatrips, Reykjavík by Boat, Happy Tours og Katla Whale Watching. Óljóst er á þessari stundu hve mörg fyrirtæki munu bjóða upp á skoðunarferðir þegar ferðamannastraumurinn glæðist á ný. sisi@mbl.is

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »