Ekkert kórónuveirusmit greindist síðastliðinn sólarhring. Þrír eru með virkt smit, einn í aldurshópnum 13 til 17 ára, einn í aldurshópnum 18 til 29 ára og einn í aldurshópnum 70 til 79 ára. 1.792 hafa náð bata. Þetta kemur fram á covid.is.
153 sýni voru tekin á sýkla- og veirufræðideild Landspítalans í gær og 375 hjá Íslenskri erfðagreiningu. Alls eru sýni orðin 60.141.
947 eru í sóttkví en 20.517 hafa lokið sóttkví.