Íslendingar velkomnir til Danmerkur
Setja bókamerki
Danir, Færeyingar og Eistar opna landamæri fyrir sín fyrir Íslendingum í næsta mánuði. Landamæri Dana og Færeyinga verða opnuð 15. júní en Eistar opna landamæri sín gagnvart Íslendingum á mánudag.
Danska ríkisstjórnin ákvað að opna landamæri fyrir Íslendingum, Norðmönnum og Þjóðverum frá 15. júní. Mete Frederiksen, forsætisráðherra Danmerkur, greindi frá þessu í hádeginu.
Ferðalögin verða ekki án takmarkana en erlendir ferðamenn mega ekki gista í Kaupmannahöfn í sumar. Staðan verður síðan skoðuð aftur í lok ágúst.
Ástæðuna segir Frederiksen þá að þau smit sem upp hafi komið að undanförnu séu nánast einungis bundin við höfuðborgina.
Þá tilkynnti lögmaðurinn í Færeyjum að Íslendingar megi koma þangað frá 15. júní. Ekki verður gerð krafa um sýnatöku, sóttkví eða vottorð.
Heimilt verður að ferðast milli Danmerkur og Noregs frá og með 15. júní. Þetta kom fram á fréttafundi forsætisráðherra landanna í hádeginu.
Erna Solberg, forsætisráðherra Noregs, sagði að þarlend stjórnvöld ættu enn fremur í viðræðum við stjórnvöld hér á landi, í Finnlandi og Svíþjóð um svipað fyrirkomulag og verður milli Danmerkur og Noregs.
Sex hafa greinst með listeríu
Banna mengandi búnað sem leyfður er á Íslandi
„Það þarf að vinna mikinn fjölda upp“
„Umsátursástand“
Krefjast stöðvunar framkvæmda
Gígbarmurinn hækkað frá því í gær
„Hvílir mikil leynd yfir þessu öllu“
„Höfum ekki náð að skríða upp úr þeirri gryfju“