Slökkvilið Akureyrar var kallað út að Vestursíðu á tólfta tímanum í dag vegna mikils reyks í íbúð í fjölbýlishúsi.
Í samtali við mbl.is segir Ólafur Stefánsson slökkviliðsstjóri að reykurinn hafi verið bundinn við eina íbúð en hún var mannlaus er slökkvilið kom á vettvang. Ekki þurfti að slökkva eld en íbúðin var reykræst og hefur slökkvilið lokið störfum á vettvangi. Talið er að upptök eldsins megi rekja til viftu í eldhúsi íbúðarinnar.