Réðst á starfsmann rakarastofu

Manninum hafði verið vísað út af rakarastofunni að því er …
Manninum hafði verið vísað út af rakarastofunni að því er fram kemur í dagbók lögreglunnar á höfuðborgarsvæðinu. Þessi mynd er úr safni mbl.is. AFP

Lögreglu barst tilkynning um mann í annarlegu ástandi sem hafði ráðist á starfsmann rakarastofu á Laugaveginum og skemmt síðan gleraugu og bifhjól starfsmannsins síðdegis í gær. Áður hafði manninum verið vísað út af rakarastofunni sökum ástands. Málið er í rannsókn lögreglu.

Ölvaður maður sem er grunaður um líkamsárás og hótanir á heimili í miðborginni (hverfi 101) var handtekinn í nótt og er hann vistaður fyrir rannsókn máls í fangageymslu lögreglu.

Á sjöunda tímanum í gær var tilkynnt til lögreglu um mann í mjög annarlegu ástandi í Skeifunni.  Maðurinn var handtekinn og er hann vistaður sökum ástands í fangageymslu lögreglu.

Í nótt var för ökumanns stöðvuð í Mosfellsbæ sem er grunaður um akstur bifreiðar undir áhrifum áfengis og fíkniefna auk þess sem maðurinn hefur ítrekað verið stöðvaður undir stýri þrátt fyrir að vera sviptur ökuréttindum.

mbl.is