Reynt að brjótast inn í tölvukerfið

Reiknistofa bankanna er mikilvægt innviðafyrirtæki í fjármálaþjónustu hér á landi.
Reiknistofa bankanna er mikilvægt innviðafyrirtæki í fjármálaþjónustu hér á landi. mbl.is/Eggert Jóhannesson

Gerð var tilraun til innbrots í tölvukerfi Reiknistofu bankanna og var brugðist við í samræmi við viðbragðsáætlun.

Brotist var inn í ysta netlag og eru engar vísbendingar um að komist hafi verið inn í kerfi RB og viðskiptavina. 

Þetta kemur fram í tilkynningu.

RB vinnur að úrlausn málsins með helstu sérfræðingum í netöryggismálum og samstarfsaðilum fyrirtækisins.

Við úrlausn varð þjónusturof kl. 13:07 sem hafði þær afleiðingar að truflanir eru í starfsemi netbanka og debetkorta. Áfram er unnið að úrlausn málsins og er gert ráð fyrir að kerfin verði orðin virk innan skamms, að því er segir í tilkynningu.

Uppfært kl. 14.02:

Þjónusturofið sem var í gangi hjá RB hefur verið leyst og kerfi eru aftur orðin virk.

mbl.is
Fleira áhugavert
Fleira áhugavert