Ólafur William Hand, fyrrverandi upplýsingafulltrúi Eimskips, var í dag sýknaður í Landsrétti af kæru um ofbeldi gegn barnsmóður sinni. Landsréttur snýr við dómi Héraðsdóms Reykjavíkur en Ólafur var þar dæmdur í tveggja mánaða skilorðsbundið fangelsi.
Þar var Ólafur sakfelldur fyrir ofbeldi í garð barnsmóður, að viðstöddu barni þeirra, í júlí fyrir fjórum árum. Auk tveggja ára skilorðsbundins dóms var hann dæmdur til að greiða barnsmóður sinni 400 þúsund krónur í bætur.
Fram kemur í dómi Landsréttar að áverkar barnsmóðurinnar passi illa við lýsingar hennar og sambýlismanns á atburðunum áðurnefnds júlídags.
Einkum vegna þess sýknar Landsréttur Ólaf.