„Sama gamla spillingarkerfið“

Inga Sæland, formaður Flokks fólksins, spyr hvort sýnilegur eðlismunur sé á því að menntamálaráðherra hafi brotið lög er hún skipaði Pál Magnússon ráðuneytisstjóra og málum Sigríðar Á. Andersen og Hönnu Birnu Kristjánsdóttur.

Frétt af mbl.is

Brot Lilju með þeim verri sem hafa sést

Bæði Sigríður og Hanna Birna þurftu að hverfa á brott úr ráðherrastóli. Sú fyrrnefnda vegna ráðningar dómara við Landsrétt og sú síðarnefnda vegna Lekamálsins svokallaða.

„Er einhver sýnilegur eðlismunur á þessu máli um viðurkennt brot ráðherra á jafnréttislöggjöfinni, sem gæti mögulega slegið skjaldborg um Menntamálaráðherrann?“ spyr Inga á Facebooksíðu sinni og talar um sérhagsmunagæslu í íslenskri pólitík.

Frétt af mbl.is

Umboðsmaður með ákvörðun Lilju til athugunar

„Sama gamla spillingarkerfið blómstar hér sem aldrei fyrr,“ bætir hún við og segir að framsóknarmenn séu ráðnir af framsóknarmönnum.

• Blogga um frétt