Tuttugu komur áætlaðar í júlí

Farþegaskip hafa ekki komið til landsins síðan í mars. Síðan …
Farþegaskip hafa ekki komið til landsins síðan í mars. Síðan þá hafa komur verið áætlaðar og þeim aflýst. Óljóst er hvort farþegaskip komi í júlí. mbl.is/Gunnar Kristjánsson

Tuttugu komur farþegaskipa til Reykjavíkur eru áætlaðar í júlí. Enn er óljóst hvort af öllum þessum komum verður.

Gyða Guðmundsdóttir, framkvæmdastjóri North Atlantic Agency og talsmaður Cruise Iceland, segir að líkurnar á því að skemmtiferðaskip komi til landsins séu meiri nú en fyrr í sumar þar sem línur varðandi skimanir séu farnar að skýrast. Staðan breytist þó í hverri viku.

Um er að ræða skemmtiferðaskip sem taka 1.000 til 2.400 farþega og minni skemmtiferðaskip sem kallast leiðangursskip og taka allt að 500 farþega.

Allir ferðamenn sem koma til landsins með skemmtiferðaskipum verða prófaðir fyrir kórónuveirunni rétt eins og þeir sem koma með flugi.

Í umfjöllun um mál þetta í Morgunblaðinu í dag telur Gyða mestar líkur á því að þýskir ferðamenn fari að koma til landsins með skemmtiferðaskipum á næstunni.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »