Lögreglumaður á Suðurlandi greindist með kórónuveiruna í morgun en hann smitaðist að öllum líkindum af tveimur Rúmenum sem lögregla hafði afskipti af um helgina. Alls eru 14 lögreglumenn í sóttkví auk tveggja starfsmanna lögreglunnar. 

Smit lögreglumannsins var ekki með í þeim tölum sem birtar voru klukkan 13 og eru virk smit í samfélaginu því sjö talsins og staðfest smit frá upphafi 1.813. 

Þetta kom fram í máli Þórólfs Guðnasonar sóttvarnalæknis á upplýsingafundi almannavarna sem hófst klukkan 14.

Frétt af mbl.is

Blaðamannafundur vegna opnunar landamæra

Aðspurður hvort mál Rúmenanna sýni að hér hafi í raun ekki verið neitt eftirlit með því hvort þeir sem komu hingað til lands síðustu vikur hafi virt reglur um sóttkví sagði Víðir Reynisson yfirlögregluþjónn að verkefnið hefði frá upphafi byggst á trausti. „Við fengum á tímabili yfir 200 ábendingar sem enginn fótur reyndist fyrir. Stóra málið fyrir lögreglunni í dag er lögreglumaðurinn sem er smitaður og við hugsum til hennar,“ sagði Víðir. 

„Við erum aðeins að komast út úr logninu,“ sagði Þórólfur og bætti við að smitin sýndu  mikilvægi þess að skima á landamærum og mikilvægi þess að hægt sé að meina einstaklingum aðgengi inn í landið fylgi þeir ekki fyrirmælum yfirvalda.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Reglur um sóttkví brotnar

Segir eftirlýsinguna litast af útlendingahatri

• „Við gerðum aldrei mistök“
• Bíða í óvissu í sóttvarnahúsinu
• Greindust fyrst smitlausir en svo smitaðir
• Þrír lögregluþjónar smitaðir

» Fleiri tengdar fréttir

• Blogga um frétt