Enn stærri skjálfti fyrir norðan
Setja bókamerki
Annar stór skjálfti varð við Gjögurtá úti fyrir norðurströndinni nú fyrir skömmu. Fyrstu mælingar gefa til kynna að skjálftinn hafi verið 5,6 af stærð. Skjálftinn fannst vel á Ísafirði, en annar stór skjálfti sem varð í dag fannst ekki þar.
Jarðskjálfti að stærð 5,3 varð 18,1 km norðvestur af Gjögurtá klukkan 15:05 í dag. Skjálftinn sem varð nú kl 19:26 var 15,3 km norðvestur af Gjögurtá.
Skjálftinn fannst víða, allt vestur í Búðardal, suður á Akranes og austur á Seyðisfjörð. Fyrsta mat á stærð skjálftans bendir til þess að hann hafi verið 5,6 að stærð. Alls hafa um 700 skjálftar mælst í hrinunni í dag.
Heimildir mbl.is á Siglufirði segja þennan skjálfta hafa varað lengur og verið kröftugri en skjálftann í dag.
Gluggar nötruðu og pallagrindverk hjá viðmælanda mbl.is hristist rækilega.
Fréttin hefur verið uppfærð.
Hernaðaraðstoð samþykkt – Vopnasendingar í vikunni
Skemmtiferðaskip hætt komið nærri Viðey
Æskuvinur Íslendings myrtur í Noregi
„Hvílir mikil leynd yfir þessu öllu“
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss
Tóku upp hanskann fyrir leikskólabörn