Bláa lónið opnaði dyr sínar á ný í gær eftir rúmlega þriggja mánaða lokun, en loka þurfti lóninu 23. mars vegna kórónuveirufaraldursins.

Helga Árnadóttir, framkvæmdastjóri sölu-, markaðs- og vöruþróunarsviðs Bláa lónsins, segir það mikið fagnaðarefni að geta tekið á móti gestum á ný. „Það var sérstaklega ánægjulegt að geta boðið gesti velkomna á ný.

Bláa lónið skartaði sínu fegursta og veðrið lék við gesti. Konur voru leystar út með glaðningi í tilefni kvenréttindadagsins og gestum var meðal annars boðið upp á flotupplifun og ýmsar kræsingar. Dagurinn var fallegur og við erum glöð með góðar og jákvæðar viðtökur,“ segir Helga í Morgunblaðinu í dag.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir