Fleiri greiða atkvæði utan kjörfundar
Setja bókamerki
Mun fleiri hafa kosið forsetaefni utan kjörfundar í ár heldur en á sama tíma árið 2016. Um 19.220 íbúar höfuðborgarsvæðisins höfðu greitt atkvæði í morgun, en um 11.000 höfðu gert það á sama tíma árið 2016.
Á landsvísu hafa 24.448 atkvæði verið greidd og eru þar af aðsend atkvæði 819 talsins. Þó gætu tölurnar hækkað í lok dags þar sem einkum margir sóttu kjörstað á mánudeginum fyrir kjördag, fyrir fjórum árum.
„Það verður forvitnilegt að sjá hvernig tölur yfir kjörsókn verða í kvöld. Á þessum degi árið 2016 kusu vel yfir 1.900 manns,“ sagði Bergþóra Sigmundsdóttir, kjörstjóri fyrir hönd sýslumannsins á höfuðborgarsvæðinu.
Atkvæðargeiðsla utan kjörfundar fer nú fram á þremur stöðum á höfuðbogarsvæðinu: Á 1. hæð í Smáralind, miðsvæðis á 2. hæð í Smáralind og undir stúkunni á Laugardalsvelli í húsnæði KSÍ. Kjördagur er á laugardaginn, 27. júní.
„Erum á stað sem við höfum ekki séð áður“
Forsetafylgismenn dregnir í dilka
„Ferðalagið er rétt að byrja“
Byggingarheimildir verði tímabundnar
Gleymir seint deginum sem skriðurnar féllu
„Hefur smám saman verið að lagast“
50% fjölgun kærumála og aukið álag