Höfðar mál til að ógilda úrskurðinn

Í fréttum RÚV kom fram að í lögum um kærunefnd jafnréttismála segi að úrskurðir hennar séu bindandi gagnvart málsaðilum, en þeim sé heimilt að bera úrskurði hennar undir dómstóla. Það þýðir hins vegar að ráðherra þarf að höfða mál gegn Hafdísi sjálfri til þess að hægt sé að ógilda úrskurðinn. 

Frétt af mbl.is

Sá ekki ástæðu til að víkja frá niðurstöðu nefndar

Áslaug Árnadóttir, lögmaður Hafdísar Helgu, sagði að ákvörðunin kæmi sér á óvart, en ekki væri vitað til þess að mál hafi verið höfðað persónulega á hendur aðila áður til að ógilda úrskurð kærunefndarinnar. Ráðuneytið sagði hins vegar að lögfræðiálit hefðu bent á lagalega annmarka við úrskurðinn og að brýnt væri að lagalegri óvissu við málið yrði eytt.