Krefur Sorpu um 167 milljónir króna

Björn H. Halldórsson, fyrrverandi framkvæmdastjóri Sorpu, telur að ólöglega hafi verið staðið að uppsögn hans hjá fyrirtækinu í febrúar.

Hefur hann stefnt Sorpu og krefur fyrirtækið um 167 milljónir króna í skaðabætur, miskabætur og vegna uppgjörs námsleyfis.

Í stefnunni segir að uppsögnin hafi verið „saknæm og ólögmæt og valdið honum fyrirsjáanlegu tjóni,“ að því er fram kemur í Morgunblaðinu í dag.