Færri kjósa á kjördag en fyrir fjórum árum
Setja bókamerki
Kjörsókn er heldur minni það sem af er degi en á sama tíma í síðustu forsetakosningum. Skýrist það líklega að hluta til af því að aldrei hafa fleiri kosið utan kjörfundar áður eða rúmlega fimmtungur kjósenda.
Forsetakosningar fara fram í níunda sinn í lýðveldissögunni í dag og stendur valið á milli sitjandi forseta, Guðna Th. Jóhannessonar, og Guðmundar Franklíns Jónssonar. Þeir tóku báðir daginn snemma.
252.217 eru á kjörskrá, konur eru 126.550 en karlar eru heldur færri eða 125.667. Flesta kjósendur er að finna í Suðvesturkjördæmi eða 72.695 og fæstir eru þeir í Norðvesturkjördæmi eða 21.511.
Í öllum kjördæmum er kjörsókn minni en á sama tíma fyrir fjórum árum. Síðdegis höfðu 27,21% greitt atkvæði í Reykjavíkurkjördæmi norður og um 29% í Reykjavíkurkjördæmi suður, en þar var kjörsóknin um 36% fyrir fjórum árum.
30,5% höfðu greitt atkvæði í Suðvesturkjördæmi klukkan 17 en voru 41,1% á sama tíma í síðustu forsetakosningum.
Í Norðvesturkjördæmi höfðu 33,5% greitt atkvæði klukkan 15 sem er 3-4% minna en fyrir fjórum árum.
Upplýsingar um kjörsókn liggja ekki fyrir frá Norðausturkjördæmi en á Akureyri höfðu 38,32% greitt atkvæði klukkan 17.
25,9% höfðu greitt atkvæði í Suðurkjördæmi klukkan 15 og er það nokkru minna en á sama tíma í forsetakosningum 2016 en þá höfðu 30,56 % kosið alls.
Hér má sjá skiptingu kjósenda eftir kjördæmum:
Ofsóttur innan veggja Boeing
Markaðurinn hitnar og leiguverð hækkar hratt
„Það er skiljanlegt að þolinmæði þeirra sé lítil“
Innviðir þandir og álagið „gríðarlegt“
„Tíminn er runninn út fyrir Kristján Loftsson“
Kvikan virðist nú skiptast til helminga