Gleymst hafði að breyta landgönguhliði á Keflavíkurflugvelli þegar 94 farþegar sem voru að koma frá Katowice í Póllandi með flugvél Wizz Air í gærkvöldi komust næstum í gegnum flugstöðina án þess að fara í skimun.

Þetta staðfestir Guðjón Helgason, upplýsingafulltrúi Isavia, í samtali við mbl.is. Búið er að yfirfara alla verkferla til að koma í veg fyrir að slíkt komi fyrir aftur.

Frétt af mbl.is

Litlu mátti muna að farþegar slepptu skimun

„Þetta er það sem kallast dual-hlið og virkar bæði fyrir Schengen og non-Schengen og það sem gerist er að skömmu áður hafði verið Schengen-brottför og svo kemur þessi vél og hliðinu er ekki breytt svo það beinir fólki áfram inn á Schengen-svæði,“ segir Guðjón, en vegna skimunarinnar er nú öllum farþegum beint í gegnum svokallað non-Schengen-hlið.

Hliðunum er breytt handvirkt og gleymdist það í gær. „Það er búið að yfirfara alla verkferla svo þetta gerist ekki aftur. Svo erum við um nokkurt skeið búin að vera að vinna í breytingu á þessu kerfi þannig að það verði sjálfvirkt og sú vinna er komin mjög langt og búnaður kominn til þess,“ segir Guðjón. „Þá verður þetta fullkomlega sjálfvirkt.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt