Í júlí mun ríkissáttasemjari fara í sumarfrí, en enn eru mörg sáttamál á borði embættisins. Aðalsteinn Leifsson ríkissáttasemjari segir í Morgunblaðinu í dag að flest sáttamál séu í ágætis farvegi og ekki þyrfti að funda í júlí, en í brýnum málum kunni að vera þörf á fundum og mun ríkissáttasemjari sinna því.

Aðalsteinn segir að síðustu misseri hafi verið löng og ströng, ekki aðeins hjá ríkissáttasemjara, heldur einnig hjá verkalýðsfélögum og atvinnurekendum, en meðal þeirra taka sér flestir frí í júlí.

„Það er mjög góð sátt um það að hlutir séu í ákveðnum farvegi og ekki mikil þörf á miklum fundarhöldum þangað til í ágúst í langflestum tilfellum, en þar sem eru brýn mál er þeim öllum sinnt.“ Þrettán mál eru í sáttameðferð hjá ríkissáttasemjara sem stendur.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir