Stefnt er að því að að malbika Gullinbrú, rétt norðan Fjallkonuvegar að Stórhöfða, eina akrein til suðurs annað kvöld, fimmtudaginn 2. júlí, ef veður leyfir.
Lokað verður fyrir umferð úr Grafarvogi um Gullinbrú á meðan.
Áætlað er að framkvæmdirnar standi frá klukkan 18:00 til 01:00. Vegfarendur eru beðnir um að virða merkingar.
Lokunaráætlun er í viðhengi með fréttinni.
Ákvörðun um að malbika vegkaflann aftur var tekin eftir að í ljós kom að hann var of háll, líkt og vegkaflinn á Vesturlandsvegi, þar sem tveir létust í umferðarslysi á sunnudag. Sami verktaki, Loftorka, sá um framkvæmdirnar og sér einnig um að malbika upp á nýtt.