Fellir burtu 33 lagabálka í heild sinni

Kristján Þór Júlíusson
Kristján Þór Júlíusson mbl.is/Kristinn Magnússon

Alþingi hefur samþykkt tvö frumvörp Kristjáns Þórs Júlíussonar, sjávarútvegs- og landbúnaðarráðherra, um einföldun regluverks.

Með lögunum voru alls 33 lagabálkar felldir brott í heild sinni, fimm stjórnsýslunefndir lagðar niður og stjórnsýsla og regluverk á málefnasviðum ráðherra einfölduð töluvert.

Frumvörpin eru afrakstur samráðs sem haft var við helstu hagsmunaaðila og stofnanir ráðuneytisins. Um er að ræða fjölmargar breytingar á núgildandi lögum á sviði matvæla, landbúnaðar, sjávarútvegs og fiskeldis.

Fyrr í vetur felldi ráðherra brott 1.242 reglugerðir og tvo lagabálka auk þess sem regluverk sem gildir um matvælakeðjuna var einfaldað, sem var liður í fyrsta áfanga aðgerðaráætlunarinnar. Verkefnið er unnið í samræmi við stefnuyfirlýsingu ríkisstjórnarinnar.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »