Sóttu slasaða göngukonu í Traðarvík

Björgunarsveitir á sunnanverðum Vestfjörðum voru klukkan tvö í dag kallaðar út vegna göngukonu sem hafði slasast á fæti í Traðarvík undir Sellátrafjalli í utanverðum Tálknafirði.

Staðurinn sem konan er á er úr alfaraleið og nokkuð torfær. Í tilkynningu frá Slysavarnarfélaginu Landsbjörg kemur fram að þrír hópar hafi lagt af stað á vettvang og fyrsti hópurinn kom að konunni upp úr þrjú og hlúði að henni. 

Björgunarsveitarfólk er nú að flytja konuna af vettvangi til móts við sjúkrabíl. 

• Blogga um frétt