„Þeir hafa ekki viljað ræða við okkur“

„Við höfum krafist þess að kjarasamningar verði gerðir fyrir okkar félagsmenn, síðan sveitarfélagið tók við rekstrinum. Það hefur ekki gengið, þeir hafa ekki viljað ræða við okkur,“ segir Bergur Þorkelsson, formaður Sjómannafélags Íslands. 

Frétt af mbl.is

Kjör séu ákveðin og verkfall því ólögmætt

21 í áhöfn Herjólfs er félagsmaður í Sjómannafélagi Íslands og samþykktu 17 þeirra vinnustöðvun til að mótmæla samráðsleysi Herjólfs ohf. við Sjómannafélag Íslands. Herjólfur ohf. telur aðgerðirnar ólögmætar og var málinu því vísað til félagsdóms, sem upp kveður dóm á mánudag. 

Einungis tveir hafi verið í Sjómannafélaginu Jötunn

Eftir að Vestmannaeyjabær tók við starfsemi Herjólfs af Eimskip, hefur kjarasamningur ekki verið undirritaður við Sjómannafélag Íslands heldur Sjómannafélagið Jötunn, sem á höfuðstöðvar í Vestmannaeyjum. Eru því 20 starfsmenn samningslausir, samkvæmt skilningi Sjómannafélagsins.  

„Þeir ruku til, þegar við vorum að biðja  um samning, og gerðu samning við Jötunn sem átti ekki nema tvo starfsmenn um borð,“ segir Bergur. 

Áhöfn Herjólfs starfaði eftir kjarasamningum við Sjómannafélag Íslands áður en Vestmannaeyjabær tók við starfseminni, en kjarasamningar féllu úr gildi við breytingarnar. 

„Það er ekki atvinnurekenda að velja stéttafélag fyrir sína launþega. Það er launþega að ákveða að gera samning. Við vorum með samning við þetta starfsfólk þegar Eimskip rak Herjólf og fólkið er enn þá í félaginu og greiðir í félagið,“ segir Bergur. 

„Fólkið er enn þá í félaginu og greiðir í félagið. Við höfum krafist þess að kjarasamningar verði gerðir fyrir þetta fólk, síðan sveitarfélagið tók við rekstrinum,“ segir Bergur.

Frétt af mbl.is

Kjör séu ákveðin og verkfall því ólögmætt

• Blogga um frétt