Rússneskar sprengjuflugvélar á flugi við Ísland
Setja bókamerki
Í fyrrinótt komu óþekktar flugvélar inni í loftrýmiseftirlitssvæði Atlantshafsbandalagsins hér við land sem hvorki höfðu tilkynnt sig til flugumferðarstjórnar né voru með ratsjársvara í gangi. Í samræmi við vinnureglur Atlantshafsbandalagsins flugu orrustuþotur ítalska flughersins, sem eru hér á landi við loftrýmisgæslu, til móts við vélarnar frá Keflavíkurflugvelli.
Vélarnar voru auðkenndar suður af Stokksnesi. Þarna reyndust á ferðinni langdrægar rússneskar sprengjuflugvélar sem voru innan loftrýmiseftirlitssvæðis Atlantshafsbandalagsins en utan íslenskrar lofthelgi.
Ekki er tekið fram hvaða gerðar rússnesku vélarnar voru, en langdrægar sprengjuflugvélar af gerðinni Tupolev 95, sem kallaðar eru Birnir, hafa ítrekað komið nálægt Íslandi á síðustu áratugum.
Loftrýmisgæsla Atlantshafsbandalagsins við Ísland hefur staðið yfir síðan í byrjun júní. Verkefnið heyrir undir svæðisstjórnstöð NATO í Uedem, Þýskalandi (Combined Air Operations Center) en Landhelgisgæsla Íslands ber ábyrgð á framkvæmdinni hérlendis, í samvinnu við Isavia. Ítalska flugsveitin er með sex F-35-orrustuþotur hér á landi.
Kvikan virðist nú skiptast til helminga
Hjón sluppu með skrekkinn
„Það er skiljanlegt að þolinmæði þeirra sé lítil“
/frimg/9/40/940831.jpg)
Telur eyðsluna munu rjúka upp úr öllu valdi
Hafa samþykkt kaup fyrir um 9,2 milljarða
Fjárfestingin 115 milljarðar króna
Aðeins ein leið fær í Grindavíkurmálum
Kveðst tala af virðingu: „Ég er enginn dóni“