„Engin leynd“

Rósa Guðbjartsdóttir, bæjarstjóri Hafnarfjarðar, vísar á bug fullyrðingu samtaka sem kenna sig við Íbúalýðræði um að baktjaldamakk hafi átt sér stað vegna hugsanlegar sölu á 15% hlut Hafnafjarðarbæjar í HS Veitum.

„Er hér um að ræða opið söluferli þar sem auglýst var eftir tilboðum í hlutinn í dagblöðum. Ákvörðun um að fara þessa vegferð og kanna möguleika á sölu var tekin af bæjarráði í apríl og ljóst að afstaða til tilboða verður tekin á sama vettvangi þegar þau liggja fyrir,“ segir í yfirlýsingu sem bæjarstjórinn hefur sent frá sér vegna málsins. 

Frétt af mbl.is

Fordæma „baktjaldamakk“ vegna HS Veitna

„Þegar samþykkt bæjarráðs lá fyrir um að fara í söluferli var gengið frá ráðningu ráðgjafa vegna sölunnar. Ráðningar ráðgjafa hafa almennt ekki verið á dagskrá bæjarráðs Hafnarfjarðar, jafnvel í margfalt umfangsmeiri viðskiptum en hér um ræðir. Engin leynd hefur verið um að fyrirtækjaráðgjöf Kviku banka var ráðin til verkefnisins enda vandséð hvers vegna það ætti að fara leynt,“ segir ennfremur. 

• Blogga um frétt