„Algjörlega komin að sársaukamörkum“
Setja bókamerki
Bogi Nils Bogason, forstjóri Icelandair, segir niðurstöður atkvæðagreiðslu Flugfreyjufélags Íslands mikil vonbrigði. Hann segir félagið ekki hafa meira svigrúm til þess að mæta kröfum FFÍ.
Félagsmenn FFÍ felldu í dag nýjan kjarasamning við Icelandair sem samninganefndir beggja aðila skrifuðu undir hjá ríkissáttasemjara 25. júní síðastliðinn.
„Þetta eru mikil vonbrigði. Báðir aðilar hafa lagt mikla vinnu í þessar samningaviðræður og báðir aðilar skrifa undir þessa samninga,“ segir Bogi í samtali við mbl.is.
„Við fórum inn í viðræðurnar með það markmið að tryggja samkeppnishæfni félagsins og um leið að standa vörð um starfskjör flugfreyja og flugþjóna og tryggja að þetta verði áfram langeftirsóttasti vinnustaður þessarar starfsstéttar hér á Íslandi, tryggja að kjörin væru með þeim bestu sem gerast á okkar mörkuðum og það tókst með þessum samningum,“ segir Bogi.
Ekkert svigrúm
Bogi segir þá stöðu sem nú er uppi vera erfiða.
„Við komumst því miður ekki lengra, ef tryggja á þessi markmið. Að ganga frá samningum á þessum nótum við flugfreyjur og flugþjóna var eitt af lykilatriðum í því að safna nýju hlutafé. Við þurfum að fara mjög vel yfir stöðuna núna,“ segir Bogi, en boðað hefur verið til fundar hjá ríkissáttasemjara á föstudag.
„Við höfum ekkert svigrúm. Við erum algjörlega komin að sársaukamörkum í þeim samningum sem skrifað var undir og komumst því miður ekki lengra.“
Ísraelar hefna árásarinnar
Gerir ráð fyrir 150 samningum í næstu viku
Bjarkey stendur við skammarbréf Svandísar
Segjast hafa skotið niður langdræga sprengjuvél
Ekki byggt í takt við áform sveitarfélaga
Ofsóttur innan veggja Boeing