Jóhannes, Jón og Ástráður sækja allir aftur um
Setja bókamerki
Sjö sóttu um embætti tvö embætti dómara við Landsrétt, en umsóknarfrestur til að sækja um embættin rann út á mánudaginn. Meðal þeirra sem sóttu um voru Ástráður Haraldsson héraðsdómari, Jóhannes rúnar Jóhannsson lögmaður og Jón Höskuldssóm héraðsdómari, sem allir hafa verið kenndir við svokölluð Landsréttarmál. Þetta er í fimmta skiptið sem Ástráður sækir um embætti dómara í dómstólinn.
Umsækjendur um embættin tvö eru eftirfarandi:
- Ástráður Haraldsson, héraðsdómari
- Hildur Briem, héraðsdómari
- Jóhannes Rúnar Jóhannsson, lögmaður
- Jón Höskuldsson, héraðsdómari
- Kjartan Bjarni Björgvinsson, héraðsdómari
- Ragnheiður Bragadóttir, dómari við Landsrétt
- Stefán Geir Þórisson, lögmaður
Þeir Ástráður, Jón og Jóhannes, auk Eiríks Jónssonar, sem hefur í millitíðinni verið skipaður dómari við Landsrétt, voru allir á lista matsnefndar um 15 hæfustu umsækjendurna þegar Landsréttur var stofnaður. Sigríður Á. Andersen þáverandi dómsmálaráðherra ákvað hins vegar að víkja frá niðurstöðu matsnefndarinnar um hæfi dómara og gekk framhjá fjórum af þeim 15 sem nefndin mat hæfasta.
Í máli Ástráðs og Jóhannesar komst Hæstiréttur að þeirri niðurstöðu að sýkna íslenska ríkið um viðurkenningu á skaðabótakröfu. Ríkið er hins vegar dæmt til að greiða þeim samtals 1,4 milljónir króna í miskbætur, eða 700.000 kr. til hvors þeirra.
Hæstiréttur féllst í maí á þessu ári á málskotsbeiðni Eiríks og Jóns. Telja þeir að þáverandi dómsmálaráðherra hafi brotið lög með að líta fram hjá þeim við skipun dómara í embætti. Héraðsdómur dæmdi íslenska ríkið til að greiða Jóni 4 milljónir í skaðabætur og 1,1 milljón í miskabætur vegna málsins. Þá var viðurkennd skaðabótaskylda í máli Eiríks. Landsréttur sagði hins vegar ekki skaðabótaskyldu í málinu og felldi skaðabæturnar út í máli Jóns. Hins vegar voru miskabæturnar staðfestar. Einn dómari af þremur í Landsrétti skilaði þó séráliti.
Hægagangur og vaxandi ókyrrð
Ekki byggt í takt við áform sveitarfélaga
Kvikan virðist nú skiptast til helminga
Sárt að horfa upp á illa meðferð fjármuna
Markaðurinn hitnar og leiguverð hækkar hratt
„Menn eru bara búnir að forgangsraða“
Aðeins ein leið fær í Grindavíkurmálum