Umtalsvert magn fíkniefna og vopn

AFP

Lögreglan á Suðurnesjum fann umtalsvert magn af meintum fíkniefnum, amfetamíni, við húsleit í íbúðarhúsnæði í umdæminu fyrr í vikunni. Einnig fundust tveir hnífar og öxi. Grunur leikur á að fíkniefnasala hafi farið fram á staðnum. Húsráðandi játaði brot sitt að hluta við skýrslutöku.

Lögreglan á Suðurnesjum tók ökumann úr umferð sem var með LSD í fórum sínum. Hann var ökuréttindalaus og grunaður um akstur undir áhrifum fíkniefna.

Annar karlmaður sem lögregla hafði afskipti af henti frá sér fíkniefnum þegar hann varð var við  að lögreglumenn ætluðu að hafa tal af honum.

mbl.is