ÍE verður Landspítalanum innan handar fyrstu dagana
Setja bókamerki
Landspítalinn tekur við skimunum við landamæri Íslands á morgun, en að sögn Kára Stefánssonar, forstjóra Íslenskrar erfðagreiningar mun Íslensk erfðagreining vera spítalanum innan handar fyrstu dagana.
Íslensk erfðagreining mun aðstoða Landspítalann við innleiðingu hugbúnaðar ÍE sem notaður er við skimunina. Þá mun ÍE einnig sjá til þess að ekkert fari úrskeiðis þegar Landspítalinn tekur við kyndlinum.
Í samtali við mbl.is segir Kári að þótt ÍE muni aðstoða spítalann hafi mögulegt hlutverk fyrirtækisins ekki breyst. Íslensk erfðagreining muni aðeins styðja við spítalann þangað til hann getur framkvæmt skimanir hjálparlaust.
Hann segir að Íslensk erfðagreining muni hætta að skima eftir veirunni við landamæri og rannsaka sýni í dag, og að ákvörðunin um að hætta skimun standi.
Kári sagði ekki víst hversu lengi ÍE myndi aðstoða landspítalann, en að mikilvægt væri að ferlið gengi snurðulaust.
„Tíminn er runninn út fyrir Kristján Loftsson“
Innviðir þandir og álagið „gríðarlegt“
Segir óábyrgt að skipta út öllu bankaráðinu
Þrjú og hálft ár fyrir skotárás í Úlfarsárdal
Ofsóttur innan veggja Boeing
/frimg/9/40/940831.jpg)
Telur eyðsluna munu rjúka upp úr öllu valdi