Björgunarsveitir þurftu að aðstoða þrjá menn til hafnar í kvöld þegar skemmtibátur þeirra varð vélarvana. Þrír voru um borð í bátnum en samkvæmt upplýsingum frá Landhelgisgæslunni skapaðist engin hætta.
Vísir greindi fyrst frá en bátur Björgunarsveitarinnar Ársæls er með bátinn í eftirdrætti á leið í höfn í Kópavogi ásamt björgunarsveitarbátnum Sædísi frá Hjálparsveit skáta í Kópavogi.