Tvennum sögum fer af vopnaburði

Framhaldsskólanemendur sem voru á tjaldsvæðinu í Varmalandi í Borgarfirði hringdu þrisvar á lögregluna vegna slagsmála sem höfðu brotist út á tjaldsvæðinu um helgina, að sögn nemanda sem vill ekki láta nafns síns getið.

Sá hinn sami segir að hópur fólks hafi verið samankominn með hnúajárn og kylfur og síðar hafi komið í ljós að fólkið hafi verið með loftbyssur. Njáll Halldórsson, tjaldvörður í Varmalandi, kannast ekki við neinn vopnaburð. „Við urðum alls ekki varir við neitt slíkt og ekkert slíkt kom fram hjá lögreglu,“ segir Njáll.

Frétt af mbl.is

Ölvun og slagsmál á tjaldsvæði í Borgarfirðinum

Nemandinn segir að hringingar nemenda í lögreglu hafi borið takmarkaðan árangur. „Í fyrsta sinn sem við hringdum vorum við spurð hvort það væri ekki neinn ábyrgðarmaður á svæðinu og fengum þær upplýsingar að það væri enginn til taks til að fara á svæðið,“ segir nemandinn í umfjöllun um mál þetta í Morgunblaðinu í dag.