Ragnar Axelsson ljósmyndari hefur verið tilnefndur til hinna virtu Leica Oskar Barnack-verðlaunanna fyrir bókaverkefni sitt Hetjur norðurheimskautsins – Þar sem heimurinn er að bráðna (e. Arctic Heroes – Where the world is melting).
Ragnar eða RAX er á tólf manna lista sem tilnefndir eru til verðlaunanna í ár og segist hann vera stoltur af tilnefningunni.
Bókin, sem er virðingarvottur til sleðahunda og lífshátta norðurheimskautsins, kemur út víða um heim í október.
Verðlaunin eru nefnd eftir verkfræðingnum og uppfinningamanninum Oskar Barnack sem hannaði fyrstu Leica myndavélina árið 1913. Þau hafa verið veitt frá árinu 1979 fyrir verk sem sýna samband mannkyns og náttúru.
View this post on InstagramA post shared by Ragnar Axelsson (@ragnaraxelsson) on Jul 15, 2020 at 9:05am PDT