Húsvagn fauk út af hringveginum við Fjallsárlón, undir Vatnajökli fyrr í dag. Ekki er vitað hvort einhver slasaðist. Vegfarendur segja svæðið erfitt yfirferðar vegna hífandi roks og rigningar.
Í samtali við mbl.is segir starfsmaður Vegagerðarinnar að töluvert sandfok sé á Suðausturlandi og hefur Vegagerðin gefið út viðvörun vegna þess.
„Það var mjög stíf suðvestan átt fyrri part dag og mjög leiðinleg fyrir bíla með hjólhýsi. Það er einhver vindstrengur þarna ennþá frá öræfunum og austur úr en þetta er á niðurleið,“ segir Haraldur Eiríksson, veðurfræðingur á Veðurstofu Íslands, í samtali við mbl.is.
Suðausturland: Sandstormur á köflum. #færðin
— Vegagerðin | Iceland Roads (@Vegagerdin) July 16, 2020