Krónan sýnir styrk

Ásgeir Jónsson seðlabankastjóri segir ekki ástæðu til að gera mikið úr veikingu krónunnar að undanförnu. Það hafi verið óveruleg viðskipti með gjaldeyri.

Þá muni bankinn sporna gegn miklum hreyfingum í genginu. „Þjóðin þarf því ekki að óttast kollsteypu í genginu,“ segir Ásgeir í umfjöllun um krónuna í Morgunblaðinu í dag.

Gengið styrktist eftir að slakað var á samkomubanni í byrjun maí en þá varð hrun í eftirspurn í ferðaþjónustu. Styrkingin hefur síðan gengið til baka. Gengisveiking hefur jafnan leitt til verðbólgu og vaxtahækkana. Ásgeir segir ekkert benda til að verðbólgan muni aukast á næstunni eða vextir hækka.

„Það sýnir styrk krónunnar að við þurfum ekki lengur mikinn vaxtamun til að halda henni stöðugri,“ segir Ásgeir.